星期二, 7月 24, 2012
星期日, 7月 22, 2012
財大氣粗
想來是近日天氣酷熱，加上最近心中有氣有點燥火，於是發生了以下事件。（註：以下內容含有粗鄙用語，建議未成年讀者由家長陪同收看。不過我這個博客的讀者應該差不多全都是成年人吧？）
內子說想給蓁蓁買輛三輪車，好讓他在暑假可以到樓下公園運動一下。於是舉家到了某大玩具連鎖店選購，不料想買那款在該分店沒有庫存，店員著我們等一下，他去安排訂貨。
等候期間，突然不遠處的角落傳來有人拍打籃球的「嘭嘭」聲，還要拍了很多下。一位年輕男店員走了過去，勸喻那位先生不要在店內拍球。想不到那位皮膚黝黑，身材結實（俗語會叫他是「鋼條型」吧？）的父親竟然大聲反問：「係咪試下波拍下都唔得呀？係咪呀？」那位年輕男店員可能見人家「聲大夾惡」，就退了下來，向另一位女店員反映。
女店員聞訊，於是又走向那位鋼條型父親，請他不要在店內拍球。這時那位鋼條型父親又已經把籃球拍了多下。想當然他也不會就範，還自以為有理的一邊拍球一邊再大聲反問：「係咪拍下波都唔得呀？又唔係小朋友喺度拍！大人拍都唔得？有無搞錯呀？」女店員有點低聲下氣的試着解釋，但那位鋼條型父親不由分說的就大聲嚷道：「唔駛講嘞，叫妳經理出嚟講！」
女店員無奈的走了開去，對着對講機請經理過來幫忙。那位鋼條型父親把一個籃球夾在左手腋下，挺着身子，右手大幅度擺着，像大爺般跟了出來，他的妻子和女兒則沒聲沒息的跟着他。等了不夠一分鐘，那位鋼條型大爺父親在店員面前挑釁性地又拍了一兩下籃球之後，就指着女店員說：「妳經理咁耐㗎？我好多時間呀？妳快尐叫佢過嚟講！」女店員忙道：「經理嚟緊㗎啦。」還馬上通過對講機催促了她經理一下。那位鋼條型大爺父親則繼續態度囂張的投訴着為何不可以拍球。
這時分店經理也剛巧到了，那位大爺就大聲投訴問：「你尐人叫我唔好拍波，係咪試下波都唔得呀？唔拍點試呀？」分店經理似乎有點怕事，想解圍道：「唔係……」一直「看着戲」的我，見着這位大爺那不可一世的面孔，實在看不過眼，按捺不住便在旁邊略為大聲的說：「人哋舖頭叫得你唔好拍就守下規矩啦！」大爺的妻子聽到了，轉過頭對着我說：「關你乜事？」大爺聽到妻子的話，也轉過頭來用手指着我嚷到：「我要拍波關你𡳞事呀？」雖然也知自己今次真的是好管閒事，但我自覺道理在我這邊，於是回應道：「人哋舖頭有規矩㗎嘛，你惡尐就得嗱？唔好喺度買波囉！」大爺依舊想恃勢凌人：「咁關你𡳞事呀？咁𡳞多事嘅你？關你𡳞事先？」
給人罵了兩句，我也略為動了真火，一邊瞪着大爺一邊回敬着說：「係呀，唔關我事㗎，但係我好管閒事又關你𡳞事呀？」這時想起周圍挺多小朋友的，而且蓁蓁就在身旁，真的要以身作則，於是就略為冷靜一下，心中告誡自己不要再說髒話了。同時大爺作勢想衝過來，他妻子和經理就馬上擋着他。
還是內子最冷靜，她只說了一句：「人哋話咗唔准拍波，你就係咁勁拍，個個學你咁拍尐波仲駛賣嘅？」可惜大爺聽不進耳，還在吵嚷着，然後開始了以下一大堆莫名其妙的吵鬧對話（中間還夾雜了他的好幾句「關你𡳞事呀？」「關你㞗事呀？」之類，不贅。）：
大爺：你以為我無錢買呀？
NHH：（心中只覺好笑，你沒有其他論點了嗎？）我無話你無錢買喎！
大爺：（指着我）我大把錢，攞出嚟撻死你都得呀！
NHH：（鄙視地笑了一下）好呀，我唔介意㗎，你咁多錢咪攞出嚟撻我囉！
大爺：（怔了一怔，可能沒想過我會這樣回應吧？轉頭望了內子和蓁蓁一下） 你顧掂你自己個仔先啦！自己個仔都未顧掂，關你𡳞事呀？
NHH：（奇怪這位大爺為何會覺得我沒有照顧好兒子呢？但既然他那麼「關心」自己家人，我惟有「回禮」吧？）咁你都顧掂自己個女先啦！（反倒見到他女兒臉上帶着小許受驚的表情）
此時大爺的妻女已經簇擁着大爺想離去，經理也沒有再理會他了。但財大氣粗的大爺還是一邊倒退着一邊指着我叫罵，我最後大聲的回了一句：「你都係睇路行啦，再褪後行就仆街㗎啦！」
說實在，今次我是好管閒事了。但是，為人父母，守規矩真的那麼難嗎？如果是無理的規矩也罷，那是「公民抗命」。為了顧客大眾的安全，以及店方的利益，不准在店內拍球這條規矩也算是合理吧？除了內子所說的理由之外，如果你拍球失手，便會砸到店內的小朋友了。
而且，試球就一定非拍不可嗎？我少打籃球，不知道這是否唯一方法。就算這真的是唯一方法，你可以先問准店員，再拍一兩下試試就好。持續拍那麼多下，會試得好點嗎？要不要讓你帶着球去不同場地測試在不同材料的地板上球的特性？
還有，你大聲點就有道理了嗎？你有錢就可以胡作非為了嗎？這位大爺看上去（還有聽其口音）不像是強國人，為何偏偏就有某些強國人的氣焰？不知是否給另類洗腦了，還真替他妻女感到可憐……
最後，蓁蓁，別隨便學說髒話，爸Ｂ今次是氣上心頭兼情非得已才說的。但你倒要認清何為正義，而且要堅定的站在正義那一方，別要因對方財大氣粗、氣焰囂張就退縮啊。
內子說想給蓁蓁買輛三輪車，好讓他在暑假可以到樓下公園運動一下。於是舉家到了某大玩具連鎖店選購，不料想買那款在該分店沒有庫存，店員著我們等一下，他去安排訂貨。
等候期間，突然不遠處的角落傳來有人拍打籃球的「嘭嘭」聲，還要拍了很多下。一位年輕男店員走了過去，勸喻那位先生不要在店內拍球。想不到那位皮膚黝黑，身材結實（俗語會叫他是「鋼條型」吧？）的父親竟然大聲反問：「係咪試下波拍下都唔得呀？係咪呀？」那位年輕男店員可能見人家「聲大夾惡」，就退了下來，向另一位女店員反映。
女店員聞訊，於是又走向那位鋼條型父親，請他不要在店內拍球。這時那位鋼條型父親又已經把籃球拍了多下。想當然他也不會就範，還自以為有理的一邊拍球一邊再大聲反問：「係咪拍下波都唔得呀？又唔係小朋友喺度拍！大人拍都唔得？有無搞錯呀？」女店員有點低聲下氣的試着解釋，但那位鋼條型父親不由分說的就大聲嚷道：「唔駛講嘞，叫妳經理出嚟講！」
女店員無奈的走了開去，對着對講機請經理過來幫忙。那位鋼條型父親把一個籃球夾在左手腋下，挺着身子，右手大幅度擺着，像大爺般跟了出來，他的妻子和女兒則沒聲沒息的跟着他。等了不夠一分鐘，那位鋼條型大爺父親在店員面前挑釁性地又拍了一兩下籃球之後，就指着女店員說：「妳經理咁耐㗎？我好多時間呀？妳快尐叫佢過嚟講！」女店員忙道：「經理嚟緊㗎啦。」還馬上通過對講機催促了她經理一下。那位鋼條型大爺父親則繼續態度囂張的投訴着為何不可以拍球。
這時分店經理也剛巧到了，那位大爺就大聲投訴問：「你尐人叫我唔好拍波，係咪試下波都唔得呀？唔拍點試呀？」分店經理似乎有點怕事，想解圍道：「唔係……」一直「看着戲」的我，見着這位大爺那不可一世的面孔，實在看不過眼，按捺不住便在旁邊略為大聲的說：「人哋舖頭叫得你唔好拍就守下規矩啦！」大爺的妻子聽到了，轉過頭對着我說：「關你乜事？」大爺聽到妻子的話，也轉過頭來用手指着我嚷到：「我要拍波關你𡳞事呀？」雖然也知自己今次真的是好管閒事，但我自覺道理在我這邊，於是回應道：「人哋舖頭有規矩㗎嘛，你惡尐就得嗱？唔好喺度買波囉！」大爺依舊想恃勢凌人：「咁關你𡳞事呀？咁𡳞多事嘅你？關你𡳞事先？」
給人罵了兩句，我也略為動了真火，一邊瞪着大爺一邊回敬着說：「係呀，唔關我事㗎，但係我好管閒事又關你𡳞事呀？」這時想起周圍挺多小朋友的，而且蓁蓁就在身旁，真的要以身作則，於是就略為冷靜一下，心中告誡自己不要再說髒話了。同時大爺作勢想衝過來，他妻子和經理就馬上擋着他。
還是內子最冷靜，她只說了一句：「人哋話咗唔准拍波，你就係咁勁拍，個個學你咁拍尐波仲駛賣嘅？」可惜大爺聽不進耳，還在吵嚷着，然後開始了以下一大堆莫名其妙的吵鬧對話（中間還夾雜了他的好幾句「關你𡳞事呀？」「關你㞗事呀？」之類，不贅。）：
大爺：你以為我無錢買呀？
NHH：（心中只覺好笑，你沒有其他論點了嗎？）我無話你無錢買喎！
大爺：（指着我）我大把錢，攞出嚟撻死你都得呀！
NHH：（鄙視地笑了一下）好呀，我唔介意㗎，你咁多錢咪攞出嚟撻我囉！
大爺：（怔了一怔，可能沒想過我會這樣回應吧？轉頭望了內子和蓁蓁一下） 你顧掂你自己個仔先啦！自己個仔都未顧掂，關你𡳞事呀？
NHH：（奇怪這位大爺為何會覺得我沒有照顧好兒子呢？但既然他那麼「關心」自己家人，我惟有「回禮」吧？）咁你都顧掂自己個女先啦！（反倒見到他女兒臉上帶着小許受驚的表情）
此時大爺的妻女已經簇擁着大爺想離去，經理也沒有再理會他了。但財大氣粗的大爺還是一邊倒退着一邊指着我叫罵，我最後大聲的回了一句：「你都係睇路行啦，再褪後行就仆街㗎啦！」
說實在，今次我是好管閒事了。但是，為人父母，守規矩真的那麼難嗎？如果是無理的規矩也罷，那是「公民抗命」。為了顧客大眾的安全，以及店方的利益，不准在店內拍球這條規矩也算是合理吧？除了內子所說的理由之外，如果你拍球失手，便會砸到店內的小朋友了。
而且，試球就一定非拍不可嗎？我少打籃球，不知道這是否唯一方法。就算這真的是唯一方法，你可以先問准店員，再拍一兩下試試就好。持續拍那麼多下，會試得好點嗎？要不要讓你帶着球去不同場地測試在不同材料的地板上球的特性？
還有，你大聲點就有道理了嗎？你有錢就可以胡作非為了嗎？這位大爺看上去（還有聽其口音）不像是強國人，為何偏偏就有某些強國人的氣焰？不知是否給另類洗腦了，還真替他妻女感到可憐……
最後，蓁蓁，別隨便學說髒話，爸Ｂ今次是氣上心頭兼情非得已才說的。但你倒要認清何為正義，而且要堅定的站在正義那一方，別要因對方財大氣粗、氣焰囂張就退縮啊。
星期六, 7月 14, 2012
小皇子睇相
早上，蓁蓁心血來潮拿了一本相簿，坐在沙發上翻開來仔細欣賞……
蓁蓁：（指著照片）呢個爆呔呀！呢個係爆呔！
媽咪：哦，係呀？
爸Ｂ：（奇怪著，應該沒有拍過汽車輪胎破了的照片嘛！）你拎過嚟俾爸Ｂ睇下？
蓁蓁：（拿了相簿過來，指著一張去飲宴的照片）呢個爆呔呀！
爸Ｂ：（很想大笑，但還是正正經經的忍著說）呢個係你去飲戴嘅煲𧘹呀！
（媽咪爆笑中）
蓁蓁：唔係爆呔，係煲𧘹呀！
蓁蓁：（指著照片）白色衫呢個係邊個呀？
爸Ｂ：（看了看照片，哦，是去年同事們來吃大閘蟹的照片）白色衫呢個咪 Frank 叔叔囉，Uncle Frank！
蓁蓁：Fat 叔叔呀！
爸Ｂ：Frank 叔叔！
蓁蓁：Frak 叔叔！
爸Ｂ：（做乜講粗口 :P）唔係 Frak，係 Frank！
蓁蓁：Fra~~nk 叔叔！
爸Ｂ：係嘞，Frank 叔叔！（個 Frank 字對佢嚟講又真係難掌握咗少少）
蓁蓁：（指著照片）呢個爆呔呀！呢個係爆呔！
媽咪：哦，係呀？
爸Ｂ：（奇怪著，應該沒有拍過汽車輪胎破了的照片嘛！）你拎過嚟俾爸Ｂ睇下？
蓁蓁：（拿了相簿過來，指著一張去飲宴的照片）呢個爆呔呀！
爸Ｂ：（很想大笑，但還是正正經經的忍著說）呢個係你去飲戴嘅煲𧘹呀！
（媽咪爆笑中）
蓁蓁：唔係爆呔，係煲𧘹呀！
蓁蓁：（指著照片）白色衫呢個係邊個呀？
爸Ｂ：（看了看照片，哦，是去年同事們來吃大閘蟹的照片）白色衫呢個咪 Frank 叔叔囉，Uncle Frank！
蓁蓁：Fat 叔叔呀！
爸Ｂ：Frank 叔叔！
蓁蓁：Frak 叔叔！
爸Ｂ：（做乜講粗口 :P）唔係 Frak，係 Frank！
蓁蓁：Fra~~nk 叔叔！
爸Ｂ：係嘞，Frank 叔叔！（個 Frank 字對佢嚟講又真係難掌握咗少少）
訂閱：
文章 (Atom)