拿宅放學FAQ：小朋友，你覺得自己叻啲定叻哥叻啲？

（成日睇 #100毛 #放學FAQ ，都想試下問自己嘅小朋友，睇下佢哋會答乜。一於就試下，不定期跟問！）

小：小皇子（一年班）　　　拿：拿哈哈

拿：小朋友，你知唔知邊個係叻哥或者阿叻呀？
小：唔知。
拿：（播咗荷蘭叻唱《我至叻》嘅片段後）嗱，就係呢個伯伯嘞！係咪好核突呢？
小：係呀！
拿：咁你覺得你叻啲定佢叻啲？
小：佢叻啲。
拿：吓？典解呀？佢有咩咁叻呀？
小：佢話佢玻璃都變鑽石嘛！
拿：咁佢係咪真係變到先？
小：（搖頭）唔係。
拿：咁佢叻啲定你叻啲？
小：我叻啲，佢都只係個淨係識講嘢嘅伯伯咋嘛！
拿：（識講呢句已經足夠證明你叻過荷蘭叻！）如果聖誕老人會送以下其中一樣禮物畀阿叻，你覺得聖誕老人會送乜？A. 棉衲　B. 透明太空衣　C. 泳褲
小：泳褲。
拿：典解嘅？
小：等佢可以著蒞游水去搵啲玻璃變鑽石，然後拎返屋企做裝飾。
拿：咁佢應該游到死都唔會有嘢裝飾間屋囉…




＝＝＝＝＝

小：小公主（K1）　　　拿：拿哈哈

拿：小朋友，你知唔知邊個係阿叻呀？
小：LEGO囉！
拿：吓？叻哥定LEGO呀？
小：叻哥。
拿：咁你覺得你叻啲定佢叻啲？
小：佢叻啲。
拿：典解嘅？
小：佢鑽石變玻璃嘛！
拿：鑽石變玻璃？咁犀利？不過又係嘅，啲嘢經過叻哥手都真係鑽石都變玻璃呀！咁如果聖誕老人會送以下其中一樣禮物畀阿叻，你覺得聖誕老人會送乜？A. 棉被　B. 透明太空衣　C. 泳褲
小：B！
拿：典解嘅？係咪要送佢上太空呀？
小：（諗咗兩秒）唔係，係送A！
拿：咁又典解要送棉被呢？
小：（拎起手上本故事書）哈哈哈哈…（不了了之）



* 以上小朋友之答案皆為真實對白。

幻聽

　　呢排坐西鐵，都會聽到以下歌詞：

 🎼 我要我嘅兔仔 🎵 每日半天吊 🎶

　　咁好多時坐車我一係就瞓緊，一係就太迫人睇唔到個電視播緊乜。咁聽到呢兩句歌詞，我就會諗：『這是甚麼勞什子虐畜廣告？』點知聽多兩句，竟然有呢句：

🎵 兔仔HAPPY 🎶

　　Fine！一個願打一個願捱，我點估到會有隻被虐狂嘅兔仔啫？

　　終於有一次，我望到個電視，原來，係一個奶粉品牌廣告，仲可以跟住跳舞添㗎。OK，我認我耳仔一向唔靈……


延伸閱讀：
廣告原版MV | https://www.youtube.com/watch?v=zyU5ih6vYKA

Online News Typo 20151220

呢間七仔好生意喎！可能以後七仔都要有持槍警衛！

拿宅放學FAQ：小朋友，如果青馬大橋冧咗，你會點去機場？

（成日睇 #100毛 #放學FAQ ，都想試下問自己嘅小朋友，睇下佢哋會答乜。一於就試下，不定期跟問！）

小：小皇子（一年班）　　　拿：拿哈哈

拿：（拎住本《100毛》）小朋友…
小：又蒞？
拿：係呀！小朋友，如果青馬大橋冧咗，你會點去機場呀？
小：搭機鐵囉！
拿：但係機鐵都係行青馬大橋㗎喎…
小：（突然醒起狀）呀，係喎！
拿：咁你會點去機場呀？
小：（諗咗陣）唔知喎。
拿：畀你揀嘞：一係等第二條橋起好先，一係游水過去機場。
小：我會等第二條橋起好。
拿：咁要等好耐㗎喎！點解唔游水？
小：因為好多人都唔識游水嘛！
拿：（其實係你唔識游水咋嘛！）

* 以上小朋友之答案皆為真實對白。

假正經

周六晚上，晚飯之前，家中收到私人號碼來電……

NHH：（提起話筒，不作聲）……
（等了近十秒，對方依然沉默）
NHH：（準備收線，心想）又有人玩電話！
錄音女聲：（大概內容，無留心聽嘛！）您好！我哋做緊一個唔知咩調查……請放心，您嘅個人資料將會保密……請輸入您嘅年齡，然後撳井掣。
NHH：（先按「０」，後按「＃」）
錄音女聲：唔好意思，您唔乎合我哋嘅調查對象資格。多謝您參與正經研究嘅民意調查，再見。
NHH：（心想）我唔正經你都知道，勁喎！Why so serious?

拿宅放學FAQ：小朋友，你覺得點先可以做副校長？

（成日睇 #100毛 #放學FAQ ，都想試下問自己嘅小朋友，睇下佢哋會答乜。一於就試下，不定期跟問！）

小：小皇子（一年班）　　　拿：拿哈哈

拿：小朋友，你覺得點先可以做副校長？
小：嗯…應該要讀好多書。
拿：咁使唔使讀到博士呀？
小：嗯…我諗都唔使嘅！
拿：（世事都畀你看透了）咁如果有個人跌低咗，你會唔會問候佢呀？
小：都會嘅。
拿：咁如果嗰個人係扮跌嘅呢？你仲會唔會問候佢呀？
小：唔會啦！
拿：典解嘅？
小：佢扮㗎嘛！咪唔使理佢，尤得佢囉！
拿：（叻仔！）

* 以上小朋友之答案皆為真實對白。

拿宅放學FAQ：小朋友，你會買HB鉛筆定買蘋果筆？

（成日睇 #100毛 #放學FAQ ，都想試下問自己嘅小朋友，睇下佢哋會答乜。一於就試下，不定期跟問！）

小：小皇子　拿：拿哈哈

拿：小朋友，你會買兩蚊嘅HB鉛筆定買一千蚊嘅蘋果筆？
小：梗係買鉛筆啦！
拿：（啱嘞！）咁你知唔知邊個係喬布斯呢？
小：喬布斯？呃…我知邊個係喬寶寶！
拿：（你又知？）咁你會唔會用八千幾蚊買部埃瘋？
小：買囉！
拿：（哎丫，之前讚壞你添！）典解嘅？
小：八千幾蚊，唔貴啦！呃…貴唔算貴，平唔算平，買啦！
拿：（衰仔！食米唔知米貴呀！）

* 以上小朋友之答案皆為真實對白。

小別

從上海回來，早上才跟剛起床的妹妹相見。我抱起妹妹親了親……

NHH：妹妹有無掛住爸Ｂ呀？
妹妹：……
NHH：係咪無掛住呢？
妹妹：（想了想）係呀，淨係起咗身坐喺床度咋！
NHH：@_@;;;

給吾兒──六週歲紀念

　　這麼快你就幼稚園畢業了！為此感到高興之餘，也實在不捨。我還想跟現在的你多相處啊！

　　這年來你的好奇心越發旺盛，同時也越來越多邏輯思考。見到新奇的事物，你一定會問那是甚麼或為甚麼，並努力的去理解和消化，繼而把新事物和以前所知的串聯起來。當然再加上天馬行空的想像力，你總會創造出一些古怪的事物出來，叫人啼笑皆非。你認真思考的表情也挺可愛的，可有時想得太專心，忽略了身邊的人和事，這要小心點啊。

　　你對有數字的東西都特別有興趣。時鐘、電梯、溫度計、價錢牌、食物包裝上的容量、下一班列車的時間……你看見了都會留意一番甚至細心研究。最近你還喜歡看香港地圖，經常把地圖翻來翻去，計劃你的暑假冒險之旅的行程，更把地鐵沿線的地方都翻閱了不知多少遍，而且連相鄰地鐵站的行車時間都記住了（也是數字啊）。你對數字的敏感度和對應的記憶力還真是不能小覷！這些是你其中的一些專長和「資產」，要好好利用啊！

　　你的笑點特別低，人家說話發錯音，路上一下怪聲、一個表情、一個動作，都可以令你捧腹大笑（也因此給我取笑你是「傻仔」）。這也好，容易笑，人也應該會樂觀開心點，壓力也不會太大了。

　　這年和你一起選小學，幸運地選上了你心儀的學校。學校離家遠了一點，爸Ｂ其實心裏有點擔心你坐長途校車會否難適應（爸Ｂ從來都是用腳走回中小學的）。不過坐校車始終是一種經歷、一個和其他同學交流的空間，日後應該會成為你的童年回憶的重要部份吧？

　　下月起你就開始小學生涯，揭開你人生的新一章了，你應該也滿是期待的吧？爸Ｂ媽咪都會和你一起打拼的！祝你萬事順順利利，快樂無憂，健康幸福。

Online News Typo 20150808

910000（公）噸嘅貨機？飛唔飛得起㗎？吹得起都真係好大風喎！大吉利是講句，假如真有如此飛機，墜機的話可能會有撞擊坑喎…

（當今世上最大起飛重量的飛機為烏克蘭擁有的安托諾夫An-225「夢想式」運輸機，淨機重175公噸，最大起飛重量為640公噸。而可運作最大推力火箭為美國的農神五號火箭，淨重約3000公噸，可負載119公噸至近地軌道。）

城堡

（那天在迪士尼樂園內，在范特西蘭站等火車時，有一操普通話男子拿着樂園指南向車站職員查詢……）

男子：（指着樂園指南）這個在哪兒？
職員：這個在城堡旁邊。
男子：（惘然）城堡？哪一個城堡呀？
職員：（有點無奈有點沒好氣）這裏只有一個城堡呀……

（當時適宜播放：🎶🎵你這霎戇在何方~~~我個雪櫃在厨房~~~🎵🎶）

給吾女——三週歲紀念

　　妳，是一個單眼皮女生，配着一張「魚蛋面」，怪可愛的。

　　妳，是一個愛撒嬌的女生，總喜歡黏着媽咪，讓她對妳愛不釋手。

　　妳，還是草壁梅。紥了孖辮的妳，穿上小裙子，在草地上跑呀跑，會給我找到龍貓嗎？

　　妳，是小熊維尼。明明妳就不是特別胖嘟嘟的，卻又頂着一個小熊維尼肚腩，好奇怪的身型啊！

　　妳，是一個「生蕃」，用膳時給妳餐具，妳卻愛跟食物有親密接觸，不是直接把食物拿起放進嘴巴裏，就是把小手伸進水杯裏，偶爾還會往臉上頭上一抹……呃，妳不覺得油膩的嗎？

　　妳，是一個固執的女孩，想着要做一件事，也不管是好是壞，就一定非做到不可。告訴妳做這件事不好，妳就回敬一句：「我要這樣做啊！」「我喜歡這樣啊！」讓我不時懷疑，港女是否也是天生的。

　　妳，是一隻鴕鳥。每次在家裏玩伏匿匿時，妳都只是隨便找些掩護（躲在桌下，或隨便找些東西蓋在身上），然後雙手掩面，就說躲好了。其實，伏匿匿是要人家看不見妳，不是妳看不見人家，人家就會看不見妳的呀！妳這樣只算是掩眼躲藏而已。

　　妳，是一個臉皮薄的女生。爸Ｂ見妳淘氣了，還未大聲責罵，只是出言相勸，妳就會顯露委屈表情，然後掩着臉一頭栽在沙發上或是媽咪懷裏哭起來。其實妳那麼怕給人罵，那就先聽話別作壞事嘛。（爸Ｂ答應過妳，不會再對妳怒吼，但妳也要乖啊！）

　　妳，很愛唱歌。妳把家裏的英語教學光碟的歌曲都記住了，然後在適當的場景時會一首一首的唱出來。例如我們去野餐，妳會唱那首野餐歌；要妳收拾玩具時，妳會唱那首收拾歌；我們上街走斜坡時，妳會唱上斜／落斜歌。以後可記得要把所有歌詞都唱準確，別再隨便唱一些音蒙混過去啊。

　　妳，就是我的好女兒。妳讓我的人生變得不一樣，也讓在男孩子家庭長大的我，感受到一個小女孩的成長。繼續給我的人生帶來不同的驚喜吧！願妳健康成長，快樂生活。

舊年生日

（話說是日妹妹農曆生日，晚飯時出現以下對話…）

媽咪：快啲食飯啦！食完飯先有得食蛋糕㗎！
洵洵：（煞有介事）爸Ｂ！我舊年生日，今日慶祝呀！
爸Ｂ：@_@''' 咁慘呀‽

（佢其實想講舊曆生日呀！）

Online News Typo 20150716

根據維基百科，冥王星直徑為2370±20公里。如果上面嘅山峰有成3000公里咁高，咁冥王星表面真係好起伏喎！而且冥王星就唔會係球體，可能係水滴形。如果真係水滴形，咁又唔會用半／直徑蒞描述大細啦！宇宙真係好奇妙㗎！

Online News Typo 20150708 #2

嘩，睇到個標題，應該會有人心臟病發…

Online News Typo 20150708 #1

廣東省東部或浙江附近，即係福建啦！乜福建省喺澳門係敏感詞蒞㗎？做乜唔講得嘅？

件衫燶咗

（準備出門，將身上的家居服脫了下來。已經換好衣服的洵洵又過來八卦……）

洵洵：（指着我那件家居服的肩膊位上的一個小洞）爸Ｂ，你件衫燶咗嘅？
爸Ｂ：（瞄了一眼）邊有燶到呀？
洵洵：有個窿喺度吖嘛！
爸Ｂ：係穿咗窿，唔係燶咗！-___-'''

（佢識得將名詞當動詞用，係咪應該教佢文言文？）

小公主的指甲論

（某晚，我替自己剪指甲，不願睡覺的洵洵走過來八卦……）

洵洵：爸Ｂ，點解你剪指甲嘅？
爸Ｂ：因為指甲長囉。
洵洵：點解指甲長嘅？
爸Ｂ：因為指甲會生長㗎嘛，慢慢啲指甲就會變長㗎啦。
洵洵：我啲指甲呢，慢慢會變污糟㗎！
爸Ｂ：-_______-'''

Online News Typo 20150601

被撞跌嘅同款乳酪都有圖片！咁肯定人哋加咗呢幾隻配料，真係有東方無窮人喎！

工聯會２０１５夏季課程精選

香港工會聯合會（工聯會）業餘進修中心２０１５年夏季課程已經接受報名一段時間，就讓我為大家精選一些課程，有興趣的就參加一下，消耗善用工聯會的資源吧！（敗朶威，我發覺一啲前幾年我推介過嘅班今季都仲有開，證明真係正嘢，萬勿錯過！）

分類	課程名稱	簡介
工科	微信(WeChat)與微店	嗯，明明有一個「電腦」分類，都要擺呢個課程喺「工科」分類入面，就知呢個課程有幾厲害啦！ 課程介紹話：「鑒於現時香港漸漸流行微信通訊，對於微信的使用及在微信經營業務興趣日濃的情景下，每個普通人都有必要迅速掌握微信的應用，以免無法在現代社會生存。」講真，我就真係唔係好識用微信嗰啲咩搖一搖之類嘅功能，睇怕我一係唔係普通人，一係就已經無法喺現代社會生存啦！（好彩我爸媽都有用微信，否則佢哋都生存唔到喎！不過要問清楚佢哋識唔識搖一搖先…） 課程介紹仲話微信係「由騰訊公司推出，提供類似於kik 免費即時通訊服務的免費聊天軟件」，點解要將微信類比kik？我唔搵谷歌都唔知kik係乜，而kik又比Whatsapp遲面世，又唔夠Whatsapp多人用，將微信類比kik，咪即係覺得微信係啲二流軟件？嘩，工聯會你好唔愛國啫！
	Iron man智能家居手辦公仔水晶燈製作	睇課程名稱就搞到我好亂，呢個工科課程究竟係教整乜嘅呢？我知咩係Iron Man、智能家居、手辦公仔同水晶燈，但係黐埋一齊我真係唔知係乜… 老老實實，讀完有無史塔克企業官方證書嘅先？
商科‧管理	廿四節氣、江恩理論與恒指轉勢分析	一睇課程名稱就知另類啦！用廿四節氣分析恆指喎！係呢，啱啱過咗小滿，咁有咩股票滿咗？
	樓宇市場-陷阱秘笈	秘笈呢樣嘢，應該係教人做某啲專門嘢嘅書籍材料。呢個課程，應該都係教人點喺樓市度裝人陷阱㗎啦！
	樓宇市場-『初哥』秘笈	做「初哥」都要教？乜都未做過咪初哥囉！
	樓宇市場-現代「收租婆」秘笈	其實我想做「收租公」，但係搵極都無『樓宇市場-現代「收租公」秘笈』課程，即係性別歧視啫？抑或課程包埋變性呀？
	樓宇市場-現代「收租婆」進階秘笈
藝術‧社會哲學	前世記憶講座	入面有個集體前世回溯之旅，係咪好似台灣嗰啲陰間旅行團咁㗎？
中外語文	改善港式英語語音研習	係嘅，工聯會係要幫啲初蒞報到嘅人士學習講啲純正嘅港式英語，咁先更容易換血融入香港社會㗎嘛！
	嬰幼語言及智能發展研習坊	嗱，以後唔好話聽唔明ＢＢ講乜啦！ＢＢ話作為一種外語，喺工聯會有得學啦！仲有呀，如果你要對住啲強國ＢＢ，更加要學埋點講ＢＢ話添呀！唔明？你睇下啲強國遊客見你唔用普通話招呼佢哋，佢哋會鬧你做乜唔用普通話㗎！
電腦	倉頡中文打字速成 （全課程共6小時）	教倉頡輸入法都分咗三班，但係有一個速成班同唔係速成班一樣都係要上六個鐘，咁如果你要真速成班，知道點揀啦？當然，你係鍾意假速成班嘅，都可以揀啱時間讀住先嘅。
	倉頡中文輸入法速成 （全課程共5小時30分）
	倉頡中文輸入法 （全期6課，每課1小時）
	家庭電腦砌機初階	課程內容包括「安裝CPU、RAM、 CD-ROM、FDD、AGP Card 等方法」、「IRQ和DMA的認識」……安裝floppy disk drive？安裝AGP Card？認識IRQ同DMA？哦，中古電腦砌機班呀嘛？

Online News Typo 20150513

案情的確唔能夠用常理解釋，亦唔怪得你畀人拉啦！

Online News Typo 20150511

　　警方裝備原來有麻醉槍，真係唔知添。官報講嘅，無理由唔信啫？

　　敗朶威，原來警方係會向野豬喊話通知佢已經被包圍嘅。咁唔怪得之佢哋唔識分智障人士同唔覺得智障人士語無倫次咁落口供啦。官報講嘅，無理由唔信啫？

　　咁我順便提提警方，第時有野牛誤闖公路兼（被）衝破警方封鎖線嘅時候，記得舉紅旗啦！大家都知啦，牛對紅布／旗敏感啲嘛，唔出紅旗點會留意到？吓？牛會衝埋蒞？我相信警方裝備有鬥牛士嘅…

P.S.: 其實點解會有咁多人為呢單新聞感動嘅呢？

Online News Typo 20150509

　　據了解，日本籍女子不法犯子曾於日本索尼公司工作，對八達通所使用的晶片有相當認識。後來犯子因跟索尼公司就發展方向有爭議而離職，並轉而成為駭客，努力鑽研近場通訊入侵人體技術，並於最近取得突破性進展。因此有人擔心，犯子會利用相關技術，配合從大家樂洩漏的八達通卡號，入侵八達通卡主，操控有關卡主去申請八達通自動增值，以獲取每日增值的五百元。正所謂小數怕長計，若犯子成功操控該十萬八千位八達通卡主，勢將可每日取得五千四百萬元，即一年可取得超過197億，非常驚人！

Online News Typo 20150507

(Ok, not really typo...)

 

大家笑緊九龍城某李議員點樣協助政府解決龕位不足問題嘅同時，有無留意到其實明報右上打格仔，左下揚哂人名出蒞呢？

Online News Typo 20150502

難得有信使號光榮墜落水星表面此等大事，繼昨日CCTVB爆出水星係太陽同埋奇異音速之後，其他各大華文媒體又點會自甘寂寞呢？

水手十號表示：「我已經被遺忘了嗎？」信使號其實係人類第一個環繞水星嘅探測器呀！

信使號嘅墜落速度就有啲好精準嘅版本。某台灣媒體話係14076km/h，又有港台媒體話係14081km/h。其實都無話錯，因為佢哋轉換緊同一條tweet嘅唔同嘅數字：

Did you know when I make my final impact, I will be traveling 8,750 miles/hour (3.91 km/s), creating a crater ~52 feet (16 m) wide?

— MESSENGER (@MESSENGER2011) April 28, 2015

14076km/h就係由3.91km/s而蒞，14081km/h就係由8750mph轉換而蒞。但係其實，需要咁精準咩？寫「約每小時一萬四千公里」咪得囉！

敗朵威，Now TV似乎係唯一一個媒體提到一個好有趣嘅訊息：「共飛行1504天，相等於水星上的8日」，背後其實關係到水星獨特嘅3:2自旋軌道共振。水星每約88地球日圍繞太陽一周，本身就每約58地球日自轉一次，咁點解1504地球日又會變成約8水星日？有興趣嘅可以去睇下。

Online News Typo 20150501

「受太陽引力影響」？即係水星係太陽？哎吔，好混亂呀！

等陣，「時速14000公里」又點會係音速三倍呀？音速為1236km/h，三倍都只係得3708km/h。14000km/h，即係超過音速多過十一倍先真喎！

咁點解CCTVB會寫「音速的三倍」？因為佢哋報新聞嗰時仲離譜，話係「光速的三倍」，驚唔驚？（見：https://www.youtube.com/watch?v=CSbd9gawyQI）

延伸閱讀：
Messenger mission ends with plunge into Mercury | http://spaceflightnow.com/2015/04/30/messenger-mission-ends-with-plunge-into-mercury/
Online News Typos - 20081024 | http://nahaha.blogspot.hk/2008/10/online-news-typos-20081024.html
Online News Typo 20120229 | http://nahaha.blogspot.hk/2012/02/online-news-typo-20120229.html

Online News Typo 20150424

好波動呀！又跌又升呀！點解嘅？點解嘅？點解嘅？點解嘅？點解嘅？點解嘅？點解嘅？點解嘅？點解嘅？點解嘅？……

　　其實，升跌係財經版最基本嘅訊息，咁都寫唔啱（仲要不時都寫唔啱），點搞呀？

Online News Typo 20150420

即係點呀？0.7至0.75元換一股長和？人哋百幾蚊一股㗎喎！定係一股和黃換咗0.684股長和之後仲要加送0.7至0.75元？好心啦，百幾蚊一股都仲要貪埋嗰幾毫子…哦係，我呢啲廢青，合併換股呢啲我識條鐵咩！

Online News Typo 20150409

嘩，啲法國航空管制員罷工去咗劏飛機呀？點樣取消四成客機咁多呀？咁劏法，佢哋罷完工都無飛機飛到啦，咪繼續唔駛開工囉？

想起《庖丁解牛》有感…

（photo via Youtube 《漫畫莊子--養生主序言、庖丁解牛、庖丁解牛新說》https://youtu.be/C4lMrmX3Hck）

　　話說自己生存在世已經超過三分之一個世紀，對於自己的長處短處怎也有一定程度的了解。例如自己的邏輯思維較強，所以讀書工作也偏重理科方面；自己的水性超弱的，所以就腳踏實地嬉山莫嬉水了。（謎之聲：那當年在汶萊淡布隆伏在浮床上玩激流漂流的是啥事？）就如《庖丁解牛》所論，人們必須順著自然之道，作為日常生活處世的法則，不要勉強自己做不擅長的事，才不會傷身害性嘛。（謎之聲：真的是這樣嗎？）

　　因此，自知患上嚴重手腳不協調的我，因着公民責任，為了維護其他市民的生存權利、地區和諧、香港繁榮安定、國家安全以及世界和平，也一直乖乖的做着道路使用者中「行人」的角色。（謎之聲：那當年在汶萊的高速公路上開140km/h和不時載同事回家的又是啥事？）尤其是香港現今道路如此繁忙，走在路上兩腿也要受罪啊！（謎之聲：借題發揮？）
　　不過，本人要在這裏宣佈一個壞消息：本人今早在死火一次的情況下，依然（幸運地／不幸地^*）成功考取手波輕型貨車駕駛執照！從此便有機會為各道路使用者帶來極大不確定性及重大危機並導致生靈塗炭，對此本人深表歉意，並在此向大家說一句：「以後睇住啦！」✌✌✌

^* 請刪去不適用者。

Online News Typo 20150309

煲電話粥就聽得多，用電話煲飯又真係未見過喎！搵日真係要向機場職員或去機場食肆見識下煲電話飯先！

Quote of the Day 20150228

（永旺百貨嬰兒部內，一位店員竭力解釋產品予一名自由行人士…）

店員：遮個桑生分翁泥詫飛之得…

（吓？搽飛滋（口入面嗰啲）？搽飛機？搽飛雞？） fo_O'''

Online News Typo 20150219

華文媒體不時都會搞錯一個熱帶氣旋的兩個屬性：移動速度同埋最高／平均風速。甚少熱帶氣旋移動速度會過100km/h，以大西洋熱帶氣旋為例，1938年吹襲新英格蘭地區的颶風，其移動速度為有記錄以來最高：達110km/h；而移動速度高於100km/h的大西洋熱帶氣旋，有記錄以來僅得三個。今次吹襲澳洲北領地的蘭姆的移動速度如真的能達到198km/h，豈不是比人家快近兩倍？太誇張了吧？

買傘記

陰天的周日早上，葵涌年宵市場有點冷清。濕貨檔攤的攤主們都在整理着鮮花，間中有一家大小在一排排的盆桔間拍照。乾貨檔攤那邊，除了巷口那家慈善團體經營的檔攤已經把義賣的貨品擺好開售外，其餘的都拉起了帆布尚未營業。

走到巷中，發現了那家傘貨攤。見天色有點陰暗，本來打算在這買兩把傘傍身。可惜傘貨攤也是拉起了帆布，應該是來得太早了吧？

這時，左方傳來交談聲，原來是一位白衣男警員和一男一女藍衣警員正在跟阿趣花店的老闆娘閒談着。

「…大時大節好心佢哋就收檔啦！」白衣警員不知提起了甚麼話題。

「咪係囉，喺度嘈嘈嘈唔知為乜，又唔可以話佢哋乜…」老闆娘一邊整理着水桶裏的劍蘭，一邊附和着。

「係呀，你千祈唔好嘈佢哋呀，」藍衣男警員打斷了老闆娘的說話，接着道：「陣間佢哋搵一大班人蒞購物呀…」

究竟大時大節在即，誰在散播仇恨？所謂的中立是甚麼？一家正常經營的年宵攤檔，何以會令老闆娘側目？大家可以做甚麼，讓更多人明白在爭取的是甚麼？

未能買傘，又聽了這段對話，心中有點不爽，也沒心情走到鄰巷參觀了。於是提起步伐，離開了年宵市場。

註1：部分店名作了修改，另對話為大概意思，但確為當時所聽所聞。
註2：最後本人如願購得兩把傘。感謝傘貨攤熱情招待。加油！

Online News Typo 20150204

（最緊要正字mode）蛋糕劵劵？好攰嘅蛋糕¹？叮噹法寶蒞㗎？食咗會好攰㗎？新年流流派啲咁嘅嘢做乜？

（忽略錯別字mode）蛋糕券券？即係憑券可以換到蛋糕券？呢啲判上判嘅嘢，好明顯係想增加就業機會啦！

註1：見《康熙字典》：劵，《唐韻》渠卷切《集韻》《正韻》逵眷切，𠀤權去聲。《說文》勞也。《徐曰》今俗作倦。《正字通》與契券之券異。券从刀，此从力。

Online News Typo 20150118

墳畫者，墓室內壁之繪圖是也。乎報道之所及乃獅山，莫非獅山發現古墓，而古墓中之壁畫已失蹤哉？奇也，怪也！

Online News Typo 20150114

咁又真係要啦！宜家啲官講嘢嘅邏輯咁奇怪，真係好難聽得明㗎！發展咗「聽明城市」，咪可以令大家聽得明佢哋講乜囉！

防水風衣

（通往尖東站的自動行人道上，前面的兩名青年間出現了以下對話。）

右側青年：（將左手搭上左側青年的肩膊上，然後馬上舉起）嘩！濕嘅‽

左側青年：落雨嘛！

右側青年：你件風褸唔係防水嘅咩？

左側青年：（面帶疑惑，拿起風衣下擺，端詳了好一會兒，然後細聲道）係話防水㗎…

NHH：（跟在背後）…………（心想）『點呀？防水唔係話啲水會無哂㗎喎！』

Online News Typo 20150110

　　據了解，法國政府先派八萬警力圍捕槍手，其後懷疑該八萬警力當中有恐怖分子卧底，遂再派八萬警力圍捕之前那八萬警力。此次圍捕行動波瀾壯闊，前所未見。最後經過共十六萬警力努力包圍再包圍後，殲滅了三名槍手… @_@'''