有袋的鞋

某夜，我正在厨房洗碗碟，妹妹突然煞有介事的走到安全閘前，喊了我一聲……

妹妹：（指着自己腳上的那雙米妮老鼠保暖拖鞋）爸Ｂ，你睇下我隻Minnie拖鞋！佢有個袋可以裝隻腳㗎！
NHH：（咁即係點？即係著咗一隻腳落隻鞋度，另外仲有個袋裝多一隻腳？）@_@'''

我要健康‧我要燒脂…？

某日獨自到佳寧買日用品，正在店內貨架間搜尋之際，一位售貨員走近並向我遞上一張宣傳單張…

售：先生，介紹返呢隻產品，去油燒脂好有效…
拿：（一邊將單張遞返畀售貨員，一邊心諗：『你真係想sell我？』）我諗我唔需要啦。
售：（鍥而不捨）但係先生，宜家出街食嘢好多油好油膩…
拿：（笑住）我諗我真係唔需要啦，唔該哂。

其實佢點解會覺得我有需要呢類產品？係咪我肥咗？我係咪要減肥啦？