拿宅放學FAQ：小朋友，你會買HB鉛筆定買蘋果筆？

（成日睇 #100毛 #放學FAQ ，都想試下問自己嘅小朋友，睇下佢哋會答乜。一於就試下，不定期跟問！）

小：小皇子　拿：拿哈哈

拿：小朋友，你會買兩蚊嘅HB鉛筆定買一千蚊嘅蘋果筆？
小：梗係買鉛筆啦！
拿：（啱嘞！）咁你知唔知邊個係喬布斯呢？
小：喬布斯？呃…我知邊個係喬寶寶！
拿：（你又知？）咁你會唔會用八千幾蚊買部埃瘋？
小：買囉！
拿：（哎丫，之前讚壞你添！）典解嘅？
小：八千幾蚊，唔貴啦！呃…貴唔算貴，平唔算平，買啦！
拿：（衰仔！食米唔知米貴呀！）

* 以上小朋友之答案皆為真實對白。