工聯會２０１１春季課程精選

香港工會聯合會（工聯會）業餘進修中心２０１１年春季課程已經接受報名一段時間，就讓我為大家精選一些課程，有興趣的就參加一下，消耗善用工聯會的資源吧！

課程名稱	簡介
《霧之戀》甜蜜再體驗	其實係一個由視障人士幫助夫妻相處的課程，但何苦改個咁嘅名呢？我起先以為係舊曲欣賞課程……
中國勝迹自助遊	旅行團？遊學課程？都唔係，係教大家點去中國自由行。咦，可能我都教得喎！唔知堂上導師會唔會賣紀念品賺外快呢？
情人節精選蛋糕製作實習班	嗱，春季課程就二月下旬開課嘅。宜家開情人節班，即係都預咗有人要學成年先學得到㗎啦！我相信下三季都會見到呢個課程，仲分一二三四班添，實有一班啱你！
iPhone / iPod touch / iPad 應用入門	HK$380 六個鐘學點裝 iTunes， 點過相過歌過片入部機，點影相，點同步到電腦，上堂一人一機，幾好吖！但係真係無朋友問到咁要去俾錢上堂？工聯會真係乜都有得學！
P4電腦砌機初階	其實仲有無新Pentium 4處理器賣㗎？點解仲開呢兩個班？你可能會話，工聯會用 Pentium 4 做例子教砌機啫，唔係唔得呀話？但係隔三四版紙就有「Dual Core電腦砌機初階」同埋「Dual Core電腦砌機進階」課程，學費時數一樣添。咁呢兩個班係咪呃啲唔識嘅人錢呢？抑或市場（仲）有好多人要砌懷舊機呢？唔明……
P4電腦砌機進階