好，假如荃灣線特急列車真係存在，咁究竟有幾快呢？假設：
- 中環至荃灣特急列車正常行車時間係九分鐘（即係540秒）。
- 行車時間係由喺中環站閂埋門開車開始計算至到達荃灣站停車準備開門嗰一刻。
- 每站停車上落客時間為十秒（包括開門閂門時間） 。（嘩，乘客都要好快咁上落車！）
- 假設沿線站同站之間嘅距離相等。 （荃灣線路線長度16公里，即站與站之間距離約1.066公里或1066米。）
因為荃灣線總共有十六個車站，即係話中間有十四個站要停車上落客。即係列車真正移動時間只剩返400秒，咁由一個站去下一個站就需要喺26.66秒之內完成。所以列車嘅平均速度約為每秒39.985米，即時速約143.946公里！Wow！
但係列車無可能一開車就行143.946km/h，需要加速同減速。再假設列車以線性加速同減速，去到兩站之間嘅中間點達到最高速度就減速。咁最高速度就係平均速度嘅雙倍，即時速超過287公里！咦～～～高鐵嘅速度喎！還好，每個乘客都只係承受約0.61G嘅水平加速重力啫，無咩嘅，學港鐵話齋，緊握扶手咪無事囉！
哦～～～我知啦！原來港鐵係咁樣測試新到港嘅高鐵列車嘅！咁又係喇，早咗成年運咗啲高鐵列車落蒞，真係擺喺石崗發霉咩？梗係用蒞載下客物盡其用啦！唔幫補下，有排都回唔到本㗎！
沒有留言:
發佈留言