我都明呢幾日啲記者會忙啲，所以呢日有幾單咁多，都唔怪得佢哋嘅…
原來局長都識創新嘅，睇佢發明嘅呢招請君入甕，先引入勒索軟件落部機度，然後再反轉勒索軟件倒塞返視窗嘅漏洞…高明高明！
星期四, 6月 29, 2017
星期二, 6月 20, 2017
Online News Typo 20170620
延伸閱讀：
- 《大頭綠衣鬥殭屍》 | https://zh.wikipedia.org/wiki/%E5%A4%A7%E9%A0%AD%E7%B6%A0%E8%A1%A3%E9%AC%A5%E6%AE%AD%E5%B1%8D
- Umbrella Corporation | https://en.wikipedia.org/wiki/List_of_Resident_Evil_characters#Umbrella_Corporation
星期一, 5月 22, 2017
星期五, 5月 19, 2017
星期日, 4月 23, 2017
Online News Typo 20170331
假如將標題改為「人類太空史上首次發射重用火箭」，又啱唔啱呢？又唔係好啱喎，因為以前太空穿梭機嘅固體助推器(Solid Rocket Boosters, SRB)都係會回收重用㗎。SRB好巴閉㗎，佢哋係人類太空史上擁有最大推力發動機嘅火箭蒞㗎！SRB將太空穿梭機推升到約45公里高空之後，就會同穿梭機分離，然後成支SRB就會用降落傘降落海面以便回收。而獵鷹9號就只有第一段火箭體係可以回收嘅啫。
延伸閱讀：
- Space Shuttle Solid Rocket Booster | https://en.wikipedia.org/wiki/Space_Shuttle_Solid_Rocket_Booster
- Falcon 9 | https://en.wikipedia.org/wiki/Falcon_9
星期四, 4月 20, 2017
Online News Typo 20170420
星期三, 4月 19, 2017
星期二, 4月 11, 2017
星期五, 3月 24, 2017
星期一, 3月 20, 2017
Online News Typo 20170320
抑或呢度「90年」係指公元90年（即東漢和帝永元二年）？咁又可能啱喎，當時香港應該都未有大廈，海濱廣場一定係第一棟…嘩，咁海濱廣場應該係一級歷史建築啦！
星期日, 3月 12, 2017
星期二, 2月 28, 2017
企邊
睇新聞見到貌似葉璇嘅特首參選人大吐酸水，諗起早兩日同NAHEHE精密部署嘅Telegram對話……
NAHAHA：其實佢醒覺自己企錯邊未？
NAHEHE：一早就要企麒麟左邊啦
NAHAHA：一早就要企麒麟入邊啦
NAHEHE：😼
延伸閱讀：
NAHAHA：其實佢醒覺自己企錯邊未？
NAHEHE：一早就要企麒麟左邊啦
NAHAHA：一早就要企麒麟入邊啦
NAHEHE：😼
延伸閱讀：
- 選戰花生背後 | https://www.facebook.com/100most/videos/1145296742264638/
- 葉劉:佔領者用即時通訊軟件 有精密部署 | http://www2.hkej.com/instantnews/current/article/925597/%E8%91%89%E5%8A%89%3A%E4%BD%94%E9%A0%98%E8%80%85%E7%94%A8%E5%8D%B3%E6%99%82%E9%80%9A%E8%A8%8A%E8%BB%9F%E4%BB%B6+%E6%9C%89%E7%B2%BE%E5%AF%86%E9%83%A8%E7%BD%B2
- 葉劉淑儀遭麒麟KO事件 | http://evchk.wikia.com/wiki/%E8%91%89%E5%8A%89%E6%B7%91%E5%84%80%E9%81%AD%E9%BA%92%E9%BA%9FKO%E4%BA%8B%E4%BB%B6
星期二, 1月 17, 2017
星期三, 12月 28, 2016
偽香港語文 - 卒之冇退秦師
年中嘅時候，#史兄 同另外三位作者（#講故佬Edwin 、#擇言 、#林非 ），用眾籌方式出版咗一本《香港語文》，將我哋細個嗰陣嘅中國語文科嘅範文譯咗做廣東話。呢本咁正嘅嘢，我當然唔執輸夾咗錢買咗本返蒞啦！自己睇下睇下，諗起自己中七嘅時候，都二次創作咗一篇《卒之冇退秦師》（其實係超無聊咁將唔知幾多篇嘅文言文範文，呢度抽一句，嗰度抽兩句，砌埋成一篇似通非通嘅文章），心諗，不如我都譯鬼佢做廣東話，睇下歷史畀我扭曲成咩樣，順便當係為粵語入文出一分力喇…（謎之聲：超，你乜水呀？出乜鬼力呀？）
無錯，就係以下呢篇四次創作（二次嘅二次，咪四次囉）。多多指教！
-----
四次創作：拿哈哈
話說晉文公同秦穆公聯手出兵圍攻鄭國，以為自己好豪氣係威係勢，同時又想順便搵班食客蒞睇下佢哋打仗嘅時候有無作為，於是極力邀請食客蒞加入聯軍。但係兩國嘅食客都覺得晉秦兩國未夠班請佢哋上戰場，所以紛紛辭職走佬。出現食客走佬潮嘅時候，晉軍已經進軍到函陵，秦軍亦已經巡到去汜水以南，兩軍想追嗰啲走佬食客都追唔切嘞。
睇返鄭國呢邊，鄭國大夫佚之狐對鄭文公講：「國家宜家咁大鑊，我都係著草①先喇！」鄭文公就話：「咪走住！」佚之狐就敷衍佢話：「咁我即管睇定啲先，第二日我再過蒞啦。」鄭文公就答應畀佚之狐返屋企先。第二日，鄭文公召集各大臣將領喺軍營帳幕入面開會商討局勢，因為佚之狐無現身，就請咗（坐自行研發嘅時光機蒞到嘅）諸葛孔明主持會議。孔明了解咗局勢之後，就建議：「若果派燭之武做使節去見秦穆公，對方一定會退兵嘅。」鄭文公聽完好大反應：「寡人唔可以咁快趣就動用燭之武㗎，寡人宜家決定將佢處斬先！」孔明第一時間搶住問：「因乜解究要將燭之武處斬呢？……」話口未完，鄭文公就大嗌一聲：「揼死你！」旁邊嘅宋將軍即刻大氣都唔夠膽唞一啖，望住鄭文公捩手用個大鐵鎚將燭之武由馬背上高揼咗落蒞，連隻馬都畀佢揼到頭骨碎裂，人同馬都當場釘蓋②。在場嘅大臣將領全部都畀鄭文公嘅怪脾氣同血腥手段嚇到手騰腳震，企都企唔穩，喺呢個時候孔明就話嘞：「老夫都一把年紀嘞，呢場仗我應該無能為力嘞！」鄭文公見孔明好似想走佬咁，就出聲挽留佢：「點都好，呢場仗始終係正經公事。寡人都知道宜家咁大鑊先蒞求你幫手，係寡人唔啱，係寡人唔著。諸葛先生你千祈唔好介意，就咁走咗去呀。」孔明驚再話要走鄭文公會再發癲，就話嘞：「好啦，咁我即管幫下手打呢場硬仗啦。」鄭文公打蛇隨棍上③：「嗱，打仗嘅嘢，唔講得笑㗎。」孔明就答佢：「我都唔似會講笑喇，係咪？唔啱我簽埋軍令狀，證明我會留低幫你手啦！」宋將軍睇得出其實孔明都只係想𧥺④住鄭文公先，所以立即扮到好樂意咁同孔明講：「太好喇！到時等我騎住戰馬、帶埋弓箭蒞幫拖⑤。」鄭文公見佢哋兩個都咁英勇咁幫得手，於是就設宴款待孔明同宋將軍，仲同佢哋講：「打完場仗之後，寡人一定會重重有賞嘅。」席間鄭文公一邊飲住（佢至鍾意飲嘅）匈奴血，一邊吹水唔抹嘴⑥。飲咗幾杯之後，孔明同宋將軍就借啲意先行告辭，趁夜𪒜𪒜⑦用繩將自己吊落鄭國首都新鄭城外面，騎上喺城外接應嘅馬匹絕塵而去，當然自此就一去不返，無影無踪啦。
孔明、宋將軍都走咗佬之後，埋伏喺鄭國嘅晉國間諜子犯見有機可乘，就慫恿鄭文公主動出擊迎戰秦晉聯軍，以便佢喺適當時候造反，蒞個裡應外合。點知鄭文公竟然話：「唔使急，等寡人去對家度探一探情報，睇下對方乜料，再返蒞同大家傾傾佢啦。」跟住鄭文公就真係走咗去秦軍所在地，仲畀佢盲舂舂⑧撞到秦穆公添。鄭文公就同秦穆公講：「你哋秦晉兩國今次圍攻鄭國，寡人都知係咁大㗎嘞！」秦穆公聽完，就細細聲同身邊將領講：「嗱，係佢自己走蒞送死㗎咋，唔係寡人逼佢㗎！」鄭文公繼續講：「不過個天會照住⑨寡人條命嘅，今次就算輸咗，寡人都有信心他日可以從頭蒞過，收拾返鄭國嘅山河，到時寡人一定會向天高歌，酬謝神恩。」講得興起，鄭文公居然即席表演起上蒞，先係吹咗幾聲觱篥，然後就一邊打鼓一邊大聲喧嘩。秦穆公一向怕嘈，見鄭文公喺度嘈喧巴閉，當堂痛苦大叫：「唔好呀！千祈唔好輕舉妄動呀！寡人嘅弱點就係怕嘈呀！」（鄭文公知道咗，當然唔會就咁收手啦！）過咗一陣，鄭文公都仲喺度嘈嘈閉，秦穆公頂佢唔順，就下令：「立即調動水軍嘅弓弩手過蒞，亂箭射鬼死佢！」身處旱寨嘅弓弩手一收到柯打⑩，好快就趕到現場放箭，啲箭好似落雨咁射哂落去鄭文公嗰邊。鄭文公同隨從嘅人馬冚辦爛中箭倒地，瞓到四圍都係，前後殺咗總共三十幾個人。鄭國就係咁亡咗嘞。
秦穆公見鄭文公死咗，好感嘆咁講：「鄭文公又無軍事常識，又唔識觀察形勢，又無乜把炮喺手，正一廢柴！佢頭先仲要同我有仇咁，實在令寡人好唔高興囉！」跟住就鳴金收兵，撤退回國嘞。
①著草：即係走佬嘅意思，尤其指躲避敵人或者仇家而走佬。
②釘蓋：即係死亡。
③打蛇隨棍上：指識得捉住人哋說話嘅意思或者吼準機會，順勢爭取利益或者好處。
④𧥺：俗寫做「昆」，呃、欺騙嘅意思。
⑤幫拖：出手幫忙。
⑥吹水唔抹嘴：吹水，通常指人傾計時係咁講嘢，口沫橫飛。後引申為誇張咁發表言論。吹水唔抹嘴，指人係咁講嘢之餘仲誇張到過哂龍。
⑦夜𪒜𪒜：𪒜，音maa1。指好黑嘅夜晚。
⑧盲舂舂：冒失，不辨方向，亦有糊裡糊塗嘅意思。
⑨照住：指由有權有勢嘅人或者神明關照。
⑩柯打：英文Order嘅音譯，即係命令咁解。
請撳呢度睇原文同埋原文注釋。
一、現實生活中，你有無遇過或者知道一個／種人，好似故事中嘅鄭文公咁，無知之餘又脾氣古怪又殘忍成性嘅呢？
二、現實生活中，你有無遇過或者知道一個／種人，好似故事中嘅秦穆公咁，蝦蝦覇覇之餘仲會惡人先告狀嘅呢？
三、你能唔能夠將原文每句嘅範文出處搵返哂出蒞呢？、
#偽香港語文
#卒之冇退秦師
#四次創作
#號Extra外
無錯，就係以下呢篇四次創作（二次嘅二次，咪四次囉）。多多指教！
-----
卒之冇退秦師
二次創作：拿哈哈四次創作：拿哈哈
課文
話說晉文公同秦穆公聯手出兵圍攻鄭國，以為自己好豪氣係威係勢，同時又想順便搵班食客蒞睇下佢哋打仗嘅時候有無作為，於是極力邀請食客蒞加入聯軍。但係兩國嘅食客都覺得晉秦兩國未夠班請佢哋上戰場，所以紛紛辭職走佬。出現食客走佬潮嘅時候，晉軍已經進軍到函陵，秦軍亦已經巡到去汜水以南，兩軍想追嗰啲走佬食客都追唔切嘞。
睇返鄭國呢邊，鄭國大夫佚之狐對鄭文公講：「國家宜家咁大鑊，我都係著草①先喇！」鄭文公就話：「咪走住！」佚之狐就敷衍佢話：「咁我即管睇定啲先，第二日我再過蒞啦。」鄭文公就答應畀佚之狐返屋企先。第二日，鄭文公召集各大臣將領喺軍營帳幕入面開會商討局勢，因為佚之狐無現身，就請咗（坐自行研發嘅時光機蒞到嘅）諸葛孔明主持會議。孔明了解咗局勢之後，就建議：「若果派燭之武做使節去見秦穆公，對方一定會退兵嘅。」鄭文公聽完好大反應：「寡人唔可以咁快趣就動用燭之武㗎，寡人宜家決定將佢處斬先！」孔明第一時間搶住問：「因乜解究要將燭之武處斬呢？……」話口未完，鄭文公就大嗌一聲：「揼死你！」旁邊嘅宋將軍即刻大氣都唔夠膽唞一啖，望住鄭文公捩手用個大鐵鎚將燭之武由馬背上高揼咗落蒞，連隻馬都畀佢揼到頭骨碎裂，人同馬都當場釘蓋②。在場嘅大臣將領全部都畀鄭文公嘅怪脾氣同血腥手段嚇到手騰腳震，企都企唔穩，喺呢個時候孔明就話嘞：「老夫都一把年紀嘞，呢場仗我應該無能為力嘞！」鄭文公見孔明好似想走佬咁，就出聲挽留佢：「點都好，呢場仗始終係正經公事。寡人都知道宜家咁大鑊先蒞求你幫手，係寡人唔啱，係寡人唔著。諸葛先生你千祈唔好介意，就咁走咗去呀。」孔明驚再話要走鄭文公會再發癲，就話嘞：「好啦，咁我即管幫下手打呢場硬仗啦。」鄭文公打蛇隨棍上③：「嗱，打仗嘅嘢，唔講得笑㗎。」孔明就答佢：「我都唔似會講笑喇，係咪？唔啱我簽埋軍令狀，證明我會留低幫你手啦！」宋將軍睇得出其實孔明都只係想𧥺④住鄭文公先，所以立即扮到好樂意咁同孔明講：「太好喇！到時等我騎住戰馬、帶埋弓箭蒞幫拖⑤。」鄭文公見佢哋兩個都咁英勇咁幫得手，於是就設宴款待孔明同宋將軍，仲同佢哋講：「打完場仗之後，寡人一定會重重有賞嘅。」席間鄭文公一邊飲住（佢至鍾意飲嘅）匈奴血，一邊吹水唔抹嘴⑥。飲咗幾杯之後，孔明同宋將軍就借啲意先行告辭，趁夜𪒜𪒜⑦用繩將自己吊落鄭國首都新鄭城外面，騎上喺城外接應嘅馬匹絕塵而去，當然自此就一去不返，無影無踪啦。
孔明、宋將軍都走咗佬之後，埋伏喺鄭國嘅晉國間諜子犯見有機可乘，就慫恿鄭文公主動出擊迎戰秦晉聯軍，以便佢喺適當時候造反，蒞個裡應外合。點知鄭文公竟然話：「唔使急，等寡人去對家度探一探情報，睇下對方乜料，再返蒞同大家傾傾佢啦。」跟住鄭文公就真係走咗去秦軍所在地，仲畀佢盲舂舂⑧撞到秦穆公添。鄭文公就同秦穆公講：「你哋秦晉兩國今次圍攻鄭國，寡人都知係咁大㗎嘞！」秦穆公聽完，就細細聲同身邊將領講：「嗱，係佢自己走蒞送死㗎咋，唔係寡人逼佢㗎！」鄭文公繼續講：「不過個天會照住⑨寡人條命嘅，今次就算輸咗，寡人都有信心他日可以從頭蒞過，收拾返鄭國嘅山河，到時寡人一定會向天高歌，酬謝神恩。」講得興起，鄭文公居然即席表演起上蒞，先係吹咗幾聲觱篥，然後就一邊打鼓一邊大聲喧嘩。秦穆公一向怕嘈，見鄭文公喺度嘈喧巴閉，當堂痛苦大叫：「唔好呀！千祈唔好輕舉妄動呀！寡人嘅弱點就係怕嘈呀！」（鄭文公知道咗，當然唔會就咁收手啦！）過咗一陣，鄭文公都仲喺度嘈嘈閉，秦穆公頂佢唔順，就下令：「立即調動水軍嘅弓弩手過蒞，亂箭射鬼死佢！」身處旱寨嘅弓弩手一收到柯打⑩，好快就趕到現場放箭，啲箭好似落雨咁射哂落去鄭文公嗰邊。鄭文公同隨從嘅人馬冚辦爛中箭倒地，瞓到四圍都係，前後殺咗總共三十幾個人。鄭國就係咁亡咗嘞。
秦穆公見鄭文公死咗，好感嘆咁講：「鄭文公又無軍事常識，又唔識觀察形勢，又無乜把炮喺手，正一廢柴！佢頭先仲要同我有仇咁，實在令寡人好唔高興囉！」跟住就鳴金收兵，撤退回國嘞。
【廣東話注釋】
①著草：即係走佬嘅意思，尤其指躲避敵人或者仇家而走佬。
②釘蓋：即係死亡。
③打蛇隨棍上：指識得捉住人哋說話嘅意思或者吼準機會，順勢爭取利益或者好處。
④𧥺：俗寫做「昆」，呃、欺騙嘅意思。
⑤幫拖：出手幫忙。
⑥吹水唔抹嘴：吹水，通常指人傾計時係咁講嘢，口沫橫飛。後引申為誇張咁發表言論。吹水唔抹嘴，指人係咁講嘢之餘仲誇張到過哂龍。
⑦夜𪒜𪒜：𪒜，音maa1。指好黑嘅夜晚。
⑧盲舂舂：冒失，不辨方向，亦有糊裡糊塗嘅意思。
⑨照住：指由有權有勢嘅人或者神明關照。
⑩柯打：英文Order嘅音譯，即係命令咁解。
【原文】
請撳呢度睇原文同埋原文注釋。
【思考問題】
一、現實生活中，你有無遇過或者知道一個／種人，好似故事中嘅鄭文公咁，無知之餘又脾氣古怪又殘忍成性嘅呢？
二、現實生活中，你有無遇過或者知道一個／種人，好似故事中嘅秦穆公咁，蝦蝦覇覇之餘仲會惡人先告狀嘅呢？
三、你能唔能夠將原文每句嘅範文出處搵返哂出蒞呢？、
#偽香港語文
#卒之冇退秦師
#四次創作
#號Extra外
星期四, 12月 15, 2016
星期日, 12月 11, 2016
2016年選舉委員會界別分組選舉之資訊科技界候選團隊一覽
（寫之前都無諗過寫咁長。如果你喺臉書見到呢個post，click入蒞blog度睇啦，要圖文一齊睇先明㗎…）
又到咗選選
講到做選委，首先我其實唔係好明點解要有政綱。你話你有政治立場／理念／宗旨／揀特首條件之類，我明。但係講政綱？又唔係你做特首，又唔係你去選做議員，選完特首你班選委又唔知去咗邊，講乜鬼政綱呢？想要政綱你早少少去選立法會IT界議員啦！所以寫政綱嘅候選人，其實我有啲懷疑你唔係好知自己做緊乜。而以下呢位候選人就似乎係知道自己做緊乜嘞…
講返啲候選人嘞。59個候選人，分屬11個團隊／個體。咁屬於團隊嘅，梗係有個名啦。睇下有咩團隊先（按選舉事務處候選人簡介嗰本嘢出現嘅先後排序）：
- IT Vision
- Innovation Professionals (IP-Man)
- 葉問？ 打功夫㗎？
- ICT動力 ICT Passion
- Passion 唔係熱情咩？點解中文唔係叫ICT熱情？或者將Passion改做Power？
- ICT Create
- IT Mission
- IT三劍俠 The I.T. Musketeers
- 會唔會係薯片叔叔啲朋友蒞㗎？
其實啲名都幾悶，最有創意就係三劍俠。話自己係專業創新嘅團隊就只係抄咗人哋葉問個名，創新啲乜呢？
IT Vision 係卅人大包圍，成員來自不同範疇男女老幼都有，的確係幾全面，亦好證明到IT界男女比例失衡：27男3女，都幾反映現實。佢哋網頁無咩睇，咪就係佢哋個尊容同政綱囉…
跟住到葉問團隊。佢哋個網址直接轉去臉書專頁，嗯，慳水慳力呀吓。見到呢幾個佬揸住個圈展露嬌俏嘅笑容，都幾得意…
再睇真啲，揸住Innovation嗰位係荔園老闆喎，食老本有幾創新呢？（好啦，我知荔園都有新嘢玩嘅。）隔籬揸住Professionals嗰個，咦，佢唔係漁農界嘅咩？
選IT界做乜鬼同幾隻漁船影相啫？入梳化房同幾個梳化櫃影唔好啲咩？甲骨文啲機櫃好似都好靚好型㗎喎，又襯色…
接住落蒞係ICT Passion，亦係全男班團隊。見到呢班叔父輩又總監又董事又主席咁忙都出蒞選，就知佢哋有熱情啦…
佢哋都有個網頁，一入去就係英文版。撳中文條link，就去咗佢哋臉書專頁…喂，識寫英文網頁唔識寫中文網頁呀？咁多位前輩都調唔到一兩個識寫中文網頁嘅？抑或你哋唔諗住拉中文人嘅票？仲有嗰個logo，好似削咗啲喎…
另外我收到其中一位熱情叔父嘅宣傳電郵，一堆字（讚佢好勁好有經驗），無圖畫，加一個PDF附件。好老學校喎！我絕對尊敬叔父嘅熱情同經驗，但係跟上時代步伐，顯示下IT嘅活力，對我蒞講都好緊要㗎。
下一個團隊係ICT Create。兩男兩女嘅組合，希望日後IT界都做到呢個性別比例就好嘞。對比樓上班叔父，呢四位都係咩總監董事CEO，但係做得好睇得多。起碼logo都有少少心思，網頁中英並茂，連去臉書專頁嘅連結特登寫明。做campaign最少都要做成咁丫，唔一定要好fancy，畀人睇到IT界做嘢有條理啲先嘛。
睇咗佢哋條片，重點如下：特首要有民望，IT人要食好西。食好西呢點，我非常同意。
跟住係IT Mission。睇一睇我個inbox，呢個Mission畀我嘅印象係：有啲冒失。通常都係啲電郵有問題或者send漏畀人，先會resend㗎嘛。仲要一啲寫"RESEND"，一封寫"RESENT"，統一少少會好啲。
IT Mission拍咗一條好奇怪嘅片。內容支離破碎，唔知佢哋係覺得咁樣好好笑定點樣…
佢係咪唔知好多IT人都恥笑楊局長真係見過教主？咁佢仲要話自己真係見過楊局長？咁咪要double恥笑佢？最得意嘅係，條片完全無講約咗Tim做乜…係飲茶？開枱？定係揼骨？
鏡頭一轉，就見到佢哋其中一位成員指住人鬧…點知閙緊嗰個，係自己隊友。係想講約咗Tim嗰位隊友佢濫權嗎？中間嗰位女配角嘅樣，彷彿表露出『我都唔知你兩個搞緊乜』 嘅諗法…
鏡頭再一轉，IT Mission三子一齊，好似係想講下有乜大計。約咗Tim嗰個就咁講：
你哋有正能
吓？乜香港嘅IT界就係欠咗間全球最大嘅眾籌網站？咁宜家應該好啲啦，Kickstarter已經喺八月開始咗香港嘅業務喇喎。又，你會邀請，關新特首咩事呢？你做特首就話啫。係咪新特首唔係你投選嗰個，你就唔邀請呢？
好，到最後嗰位鬧人哥哥：
哦～你嘅大計就係唔鍾意做別人隻棋！我都唔鍾意㗎，咁啱嘅？但係你鍾唔鍾意，關我乜事？我做乜要投你？唔明囉！
最後三子向住一班望落幾頹嘅人演講…喂，你唔係覺得IT界選民係咁㗎嘛？
邊個下半
到約咗Tim嗰個…有幾型呀？選委投票，好似都係劃紙仔咁咋喎？
最後條片咁樣作結…好熟口面喎，係咪喺《大時代》見過？
In the end，我唔係好知IT Mission嘅 mission 係點…Sorry…
IT三劍俠，又係三位男士嘅團隊。特點在，三個都係教書嘅。唔係話教書有乜問題，不過我硬係有啲擔心佢哋唔知前線人員諗乜啫。
要讚下嘅係，佢哋除咗個名比較有創意，個logo都係有設計嘅。
就住最新嘅特首選舉形勢，三劍俠出咗以下聲明：
好偽善啫！人哋話ABC，佢哋對此表示遺憾。但係自己都食人哋字用ABC，連個logo都印埋ABC。咁遺憾，做乜要拾人牙慧？
敗朶威，伸一伸條脷：三劍俠其中一人係我舅仔嘅舊同學蒞嘅。聽講呢位舊同學一路都有幫建制團體做事。其實上面篇聲明嘅第一段，都揭露咗佢哋嘅底細喇！
其他獨立候選人士，我唔逐個講嘞。有得投票嘅人，記得去投票啦！吓？我會投邊個？你咪估下囉…
#不是選舉廣告
延伸閱讀：
搞掂 email format 至好學人做 IT界 選委 | https://martinoei.com/?p=9712&=1
星期六, 10月 29, 2016
星期三, 10月 26, 2016
星期三, 10月 19, 2016
訂閱：
文章 (Atom)