Online News Typo 20160926

每秒21公里…即係音速嘅超過61倍！好似話飛機如果以超過8馬赫嘅速度飛行，表面溫度可以高達3000℃。一團空氣以61馬赫嘅速度喺地表行進，超過3000℃應該都唔出奇，咁所到之處應該會變哂做煉獄！

又話說當時個風距離花蓮490公里，即係話個風喺23秒之後就登陸／摧毁花蓮…嗯，出呢條新聞嘅人打字都打得好快喎！

仲有就係，秒速21公里，已經超越咗第三宇宙速度，足夠由地球表面起步脫離太陽系！所以台灣今次避過一劫嘅原因，應該係呢個3000℃嘅風喺嗰23秒之內已經浮起咗並且喺接近台灣之前擺脫咗地球引力衝上太空，喺行星際空間消散…好彩！天佑台灣！